Nahan Sabar

Nahan Sabar
Posted by:

BULAN puaso ini, Mang Juhai, memang sedang diuji dan dilatih agar bersabar. Ngapo pacak mak itu mang, simak bae ceritonyo sampe selesai.
Sore kemaren, Mang Juhai yang puaso full beberapa hari ini, pengen makan makanan kesenangannyo, lakso. Kemudian, dio jalan ke pasar bedug dekat rumahnya, lantas belilah tigo bungkus lakso. Harapannyo, makanan itu pacak bagi tigo, yakni dio, bininyo Bik Jubai, dan anak semata wayangnyo Mac Dul.
Setelah beli itu, Mang Juhai balek ke rumah, dan nyuruh Bik Jubai naroknyo di pucuk meja makan, dengan harapan supayo ingat waktu bebuko. Akan tetapi, lakso itu ruponyo abis dimakan oleh anaknyo Mac Dul. Maklum, anaknyo kan Cuma pacak puaso setengah hari, kareno memang masih kecik.
Karuan bae, pas nak persiapan bebuko, Mang Juhai yang tepikir dengan lakso tadi, langsung nanyo dengan Bik Jubai. ‘’Dek mano bukoan kito tadi, lakso yang kakak beli itu,” tanyo Mang Juhai samo bininyo yang super cerewet itu. ‘’Di pucuk meja tulah kak, idak aku simpan, jingok bae disano,” ujar Bik Jubai dari ruang tamu.
‘’Dak katek dek, sikok nilah meja makan kito. Kalo adek lupo naroknyo bae,” tanyo Mang Juhai lagi. ‘’Idak kak, disano tulah, idak adek pindah-pindahke,” ungkap Bik Jubai lagi. Setelah beberapo menit merenung, Mang Juhai jingok ado piring bekas kuah lakso pucuk meja itu. ‘’Nah ini ado piring bekas kuah lakso bae dek,” kato Mang Juhai.
‘’Bebenar kak,” becepat Bik Jubai ke dapur. Kapan di belakang, ruponyo benar, lakso tadi tinggal kuahnyo bae. ‘’Nah berarti la abes dimakan anak kamu kak. Sebab, tadi Mac Dul ngomong nak minta lakso, adek suruh ambek dewek di meja dapur,” jelas Bik Jubai. ‘’Yang benar dek, cubo tanyo dulu Mac Dul,” tutur Mang Juhai.
‘’Dul, abes yo lakso tadi, kau makan galo ye,” tanyo Bik Jubai samo Mac Dul yang lagi maen di teras depan rumah. ‘’Iyo mak, kan sebungkusnyo Cuma isi duo. Jadi tigo bungkus itu, Dul makan galo, baru kenyang,” jawab Mac Dul lugu. ‘’Yo kak, abes di makan Mac Dul galo, katonyo Cuma duo ikok isi sebungkus itu,” terang Bik Jubai.
‘’Oy nak, ngilangke nafsu Abah kau nian. Uwong beli untuk makan samo-samo, ini malah abes oleh kau dewek. nak beli kesano la tanggung, takut la abes, sudah tu, tinggal berapo menit lagi buka. Nasib-nasib, nahan sabar nian caknyo dengan anak ni,” rutuk Mang Juhai. ‘’Yo sudah kak, namonyo budak, sudah ikhlaske lah,” terang Bik Jubai. ‘’Iyo dek, dak apo,” tambah Mang Juhai. Hahaha, makonyo mang, kalo beli tu, agak banyak dikit. La tau anak dalam masa pertumbuhan, makannyo banyak, ini kamu malah beli dikit. (sam)

Subscribe

Thanks for read our article for update information please subscriber our newslatter below

No Responses