Utang Pulsa

Utang Pulsa
Posted by:

MANG Juhai laju dirutuki oleh penjago konter Hp depan lorong rumahnyo. Ngapo laju mak itu mang, berikut ceritonyo sampe tuntas.
Pagi kemaren, Mang Juhai dan Mang Oding, sudah besiap berangkat kondangan ke tempat kawan lamonyo didaerah Tanggo Buntung. Namun, setelah di pucuk motor butut andalannyo, Mang Juhai baru teringat kalo pulsa di Hp-nyo tinggal sedikit nian, bahkan dak pacak untuk nelepon lagi. Kareno memang bawakan buntu, Mang Juhai langsung markirke motor di konter Hp langganannyo depan lorong.
‘’Dek, apo kabar,” tanyo Mang Juhai. ‘’Kabar baek kak,” jawab penjago konter Hp itu sambil rainyo jingok ke laen. ‘’Dak boleh merengut dek, kakak ni betanyo nian,” kato Mang Juhai. ‘’Sudahlah kak, la paham dengan gaya kamu tuh,” ujar penjago konter itu lagi. ‘’Yo sudah kalo memang la tau kendak kakak, tolong isike dulu pulsa kakak dek yo, isi Rp 10 ribu bae jadilah,” tutur Mang Juhai.
‘’Tuh kan, memang mak itulah kamu tuh kak. Mintak isike pulsa, kagek-kageknyo ngutang,” ungkap penjago konter itu. ‘’Yo dek, kakak lupo bawak duet. Siang kagek, balek kondangan, kakak bayar ye. Sebab, dak lemak nak kondangan, katek pulsa. Kalo kagek nyasar, nak nelepon dak pacak, laju urung kondangan,” jelas Mang Juhai.
‘’Sudahlah, kareno kakak bae ini, la tebiaso diutangi. Sebangso uwong laen, la aku urungi ini. Soalnyo, lokak dak laku jualan hari ini, kareno penglaris, malah diutangi kakak,” ujar penjago konter itu sambil ngirim pulsa ke Hp Mang Juhai. ‘’Alhamdulillah kalo mak itu, mokasih nian dek sebelumnyo,” kato Mang Juhai sambil ngengkol motornyo siap berangkat lagi. Hahaha, payo mang, pagi-pagi la ngutang pulsa ini, penglaris uwong diutangi, kalo kagek dak laku nian jualan uwong. (sam)

Subscribe

Thanks for read our article for update information please subscriber our newslatter below

No Responses