MANG Juhai dan Mang Oding sampe geleng kepalak, kareno banyaknyo istilah untuk betino yang idak benar sekarang ini. Bahkan, Mang Juhai dianggap ketinggalan zaman oleh Mang Oding, kareno ado istilah baru dari betino, yang idak Mang Juhai ketahui. Istilah apo itu mang, baco ceritonyo sampe tuntas.
Pas nongkrong sore di pos ronda dekat rumah mereka, Mang Juhai dan Mang Oding masih bae tejingok santai. Keduonyo pecak idak lagi nak nyari gawean untuk ngidupi anak bininyo, yang semakin banyak kebutuhan. Tentu pacak ditebak, kapan bekumpul mak itu, duo sohib kental ini banyak tulah obrolan, mulai dari bahasan politik, tentang Negara da pemerintah, sampe dengan masalah betino.
Makonyo setelah selesai cerito tentang caleg jagoannyo yang pecaknyo milih tiarap sementaro, sebelum pemilu, Mang Juhai dan Mang Oding, bahas masalah bencana yang dianggap banyak melanda negeri kito ini diawal tahun 2014. Terakhir, keduonyo membahas masalah betino atau cewek, dimano diantaronyo istilah-istilah betino idak benar atau betino nakal.
‘’Nah kando, alangkah banyak istilah betino dak keruan sekarang ini. Mulai dari ayam kampus, ayam abu-abu, ado istilah Bispak. Ruponyo terakhir ado jugo istilah yang lagi ngetrend sekarang ini kando, yakni cewek cabe-cabean,” ujar Mang Oding sambil senyum-senyum. ‘’Nah kalo istilah yang terakhir itu belum tau aku Ding. Apo dio lagi artinyo mak itu,” kato Mang Juhai yang tejingok penasaran itu.
‘’Artinyo kando ketinggalan zaman kalo mak itu, la biso dikatoke generasi tuo kando,” kelakar Mang Oding. ‘’Yo makmano Ding, kalo memang idak tau nian. Lemaklah betanyo, daripado ecak-ecak tau,” ungkap Mang Juhai sambil garuk kepalak. ‘’Makonyo kando, walaupun kito la tobat, tapi perkembangan zaman harus tetap di pantau, biar idak kalah informasi dengan uwong sekarang,” tutur Mang Oding.
‘’Yo Ding, aku jugo heran, memang di Tv itu lagi ngetrend nian istilah itu, tapi aku dak pulok ngerti. Termasuk di koran jugo sering ado tulisan itu. Aku pikir kalo sekadar kelakar uwong bae. Jadi apo dio nian retinyo itu Ding,” ujar Mang Juhai. ‘’Jadi kando nak tau nian yo retinyo apo,” Mang Oding betanyo lagi. ‘’Yo Ding, perlu lah kando kau ni tau,” ujar Mang Juhai.
‘’Cewek cabe-cabean itu, kalo dak salah retinyo, betino yang sering dijadike taruhan bagi budak trek-trekan atau balapan liar itu kando. Katonyo, siapo yang menang trek-trekan itu, biso nguasai atau nginap besamo betino itu. Tapi kepastian retinyo nian, dak pulok paham, tanyo dengan budak-budak mudo tulah kando,” terang Mang Oding.
‘’Nah baru tahu jugo kalo mak itu Ding. Aneh-aneh bae ye sekarang, taruhan balapan liar pacak mak itu pulok,” tambah mang Juhai. Hahaha, makonyo mang, Koran tu dibaco nian, bukan jingok gambar samo ceritonyo sekilas bae. Terus internet jugo dibukak, biar idak ketinggalan istilah mang ye. (sam)