MANG Juhai dan Mang Oding, ngajak tetanggo di kampungnyo untuk ngaktifke ronda malam lagi. Ngapo keduo kawan akrab ini laju tepikir mak itu, baco bae ceritonyo dibawah ini sampe selesai.
Pas ngobrol di Pos Kamling sore kemaren, Mang Juhai dan Mang Oding, laju tepikir nak ngajak tetanggonyo untuk ngaktifke lagi ronda malam. Sebab banyak nian yang diraso keduo sohib ini nak dijago. ‘’Ding, kito ajak dulur-dulur di kampung kito ni, ngaktifke ronda malam be Ding. Soalnyo ini zaman lagi rawan bobol rumah,” ujar Mang Juhai.
‘’Oke aku sepakat kito ngaktifke ronda malam. Sebab, dengan ronda, kito biso nyegah maling masuk kampong kito kando,” Mang Oding balek betanyo. ‘’Yo maksud aku kito ngaktifke ronda itu mak ini Ding. Pertamo kan, kito wargo kampung ini harus keliatan kompak. Setelah itu, kito pacak nyegal maling masuk. Paling idak, maling mikir, kareno uwong rame jago,” ungkap Mang Juhai.
‘’Benar jugo ide kamu tu kando, jadi kito jadi bae yang mimpin untuk urusan ronda malam, tinggal mintak tandotangan Pak RT bae pengesahannyo ado dak,” tutur Mang Oding. ‘’Nah mak itulah Ding. Dengan kito aktif ronda malam, paling idak, kagek ado apo-apo di kampong, kito pacak tau. Kemudian, daripado katek gawe di rumah, dan mato nerawang kemano-mano kareno tidok dak galak, mendingan kito ngamanke kampung,” jelas Mang Juhai.
‘’Oke kalo mak itu, sepakat aku kito aktifke lagi ronda malam. Dengan banyak jago kampong, siapo tau ado rezeki ngalir untuk kito kando,” terang Mang Oding. ‘’Yo sudah tunggu apolagi, malam kagek kito kumpulke warga kampung, setelah minta izin Pak RT,” tambah Mang Juhai. Hahaha, jadi ronda malam itu selain nyegah maling, jugo kareno kamu saro tidok malam hari kando ye, bolehlah ide kamu ni mang. (sam)
No Responses